الاشتراكية
هي فلسفة سياسية واقتصادية كتقترن باليسارية كما قلنا
فالمقال السابق هـنا والاشتراكية
فالقلب ديالها الفكرة ديال تكافل المجتمع وكتحاول تنهي دوك التفاوتات لي كاينة بين
الناس فمستويات المعيشة والرفاهية وكتهتم بالعدالة الاجتماعية وكتلغي فكرة الطبقات
القائمة على الممتلكات المادية او الانتماء لعائلات ملكية او غنية او غيرها من
الطبقات لي كتقسم المجتمع على اسس هرمية من الطبقة الغنية لطبقة العمال...
الاشتراكية كتقدس العمال وكتعتبرهم الطبقة الاساسية فالمجتمع وكتسمى
بـ"البروليتاريا".والفكرة الاخرى فالاشتراكية هي ان المجتمع كينتج داكشي
لي محتاج وكيقسم الانتاج على حسب مجهود كل واحد ساهم فهاد الانتاج وعلى حسب الحاجة
ديال كل فرد.. كاينة جملة مشهورة كتلخص هادشي "من كلِ حسب قدرته,لكل حسب
احتياجه"
والمجتمع فالاشتراكية
بشكل رئيسي كيملك بصورة مشتركة مايسمى بوسائل الانتاج (سواءعن طريق الدولة ولا
المدينة ولا التعاونيات العمالية...) وهادوك الوسائل كيقصدو بها الثروات الطبيعية
بحال الاراضي و مصادر الطاقة ,البنية التحتية والمصانع وكاع الادوات لي كتستخدم ف
انتاج الثروة فالمجتمع..."عكس الرأسمالية لي كتسمح للافراد يمتلكوا الاراضي
والموارد والمصانع وغيرها..." الدول لي فدرجة عالية من الاشتراكية عندها واحد
الحاجة سميتها "الاقتصاد المُخطط" ولي كيعني بلي الدولة هي تحدد مسار
الاقتصاد من حيث مجالات الاستثمار والصناعات الاستراتيجية و اولويات البحث العلمي
وتحديد الاسعار فاغلب السلع وتوزيع الموارد الطبيعية والصناعية... وهادشي يمكن
يكون عن طريق الدولة فقط دون القطاع الخاص بحال لي كان فالاتحاد السوفيتي سابقا
وكوريا الشمالية حاليا وهادو نماذج مختلفة لما يسمى ب"الشيوعية" ولي
كتمثل اقصى درجات الاشتراكية المنظمة على نطاق واسع.
الاشتراكية فيها انواع ودرجات بزاااف بحال مثلا ف اوروبا كتآمن
بدور السوق الحر وفنفس الوقت كتآمن بمجالات محتكرة لفائدة الدولة وبتوفير رعاية
صحية مجانية واعانات بطالة سخية...
 |
| زعيم كوريا الشمالية |
النموذج الاوروبي الشرقي الشيوعي مثلا ف فترة الحكم السوفيتي ف
المجر ويوغسلافيا وتشيكوسلوفاكيا كانت كتسمح بانواع بسيطة من الاسواق شبه حرة
للسلع الاستهلاكية. والنظام الصيني الشيوعي الحالي فيه اسواق ومنافسة وشركات بزاف
غير هو اغلبها مملوكة للدولة والصين نهار على نهار كتنفتح اقتصاديا وكتقرب للنموذخ
المخلط بين الشيوعية والرأسمالية اما كوريا الشمالية عندها احتكار تام للدولة
كتلقا كل مجال فيه شركة وحدة ومعندهاش منافس فنفس المجال مثلا شركة وحدة كبيرة فقطاع
الملابس والنسيج واخرى للطاقة
واخرى للماء والكهرباء... وهاد الشركات بنفسها كتوزع
المنتجات على مراكز البيع والمتاجر لي كتحكم فيهم الدولة وكتحدد الاسعار
مسبقا.وبطبيعة الحال هاد الدول كتفضل الانتاج المحلي وكتبعد من الاستيراد وحتا الى
كان ضروري كتمشي عند دول شيوعية بحالها.. الاشتراكية حتى للتسعينات سيطرت على النص
فالعالم ودوك الدول تسماو بدول العالم الثاني مقارنة بدول العالم الاول
"الرأسمالية" والعالم الثالث "الدول النامية بحال مغربنا العزيز
هههه"
المزيد من "مقالات بالدارجة"
