اليمين، الوسط، واليسار في السياسة

كنسمعو بزاف مصطلحات بحال يسار يمين وسط وكاين لي معرفش منين جاو.. غنحاول ندير تبسيط

القصة غتبدا فالثورة الفرنسية وبالضبط ف 1789 كانو الاعضاء ديال المجلس الوطني كجتمعوا باش يناقشوا المستقبل ديال البلاد..ولي وقع هو انه مع مرور الوقت المؤيدين ديال بقاء الملك بكامل السلط ديالو جسلوا على يمين رئيس المجلس"المحافظين" والمؤيدين ديال تقليص سلطة الملك جلسوا على يسار رئيس المجلس"التقدميين" ومن هنا بدات الفكرة ديال ان اي واحد باغي المحافظة على تقاليد المجتمع المعروفة كيتسما محافظ_يميني و اي واحد باغي يعطي قدر اكبر من الحرية للمجتمع من الناحية الاجتماعية والسياسية كيتسما يساري_تقدمي

من بعد ارتبط اليسار التقدمي بالفكر الاشتراكي لي كيحث على تدخل الدولة فالاقتصاد و اعادة توزيع الثروات والدخل وتقليص مساحة الملكية الخاصة لعوامل الانتاج والموارد الاساسية من اجل تحقيق مفهوم صارم للعدالة الاجتماعية...

  اما اليمين ارتبط بالحرية الاقتصادية وحرية الملكية والعمل التجاري  حيث كيشوف فيها انسب طريقة يحقق بها النمو السريع للثروات وتوزيعها بطريقة غير تعسفية... 

 
من بعدها بان الطيف السياسي من اليسار لليمين او العكس و كيتكون اساسا من:  اقصى اليسار , يسار_وسط ,الوسط , يمين_وسط و اقصى اليمين, فالقمة ديال اليسار كنلقاو الشيوعية و فقمة اليمين كلقاو الفاشية "غنشرحهم فمقال اخر"

مهم دبا عندنا جوج كاين يسار ويمين سياسيا عندنا يسار ويمين اقتصاديا من الناحية السياسية كلما كنتي مع تقليص الحريات والحفاظ على القيم الاجتماعية كيف هي ف انت كتعتبر يميني و اقل من دكشي بشوية  غتولي يميني_وسطي واقل بشوية غتكون وسطي... اما الى كنتي مع توسيع الحريات وتوزيع مسؤولية الحكم وعدم تركيزها فجهة وحدة...ف انت كتعتبر يساري او يسار وسط على حسب المساحة ديل الحرية لي كتطالب بها

والحاجة المهمة هي ملي يكون شواحد كيهدر ماشي ضروري يقولك انا يساري وسط او شيوعي ولا يميني وسط او متطرف ... الى قال انا يساري بصفة عامة كيعني انه على يسار الطيف السياسي و اليمين كذلك.

 المزيد من "مقالات بالدارجة"

- مفهوم الاشتراكية
- الشعوذة... فالمغرب اوروبا وافريقيا
- شنو غيوقع فحالة اختفاء الشمس؟
- ظاهرة Deja Vu
- رواية الخيميائي لباولو كويلو
- العرب من وجهة نظر يابانية