ضروري غتكون شي مرة طحتي فداك الموقف لي كتحس بلي فايت عشتيه وكيتعاود مثلا كتكون خارج مع صحابك وكدوزو من شي بلاصة واحد اللحظة كتحس بلي ديجا دزتي منها شي مرة مع نفس الاصدقاء نفس الديكور نفس الاوجه بحال الى الحدث تعاود مرة اخرى بنفس التفاصيل... هاد الظاهرة سميتها Deja Vu عندها بزاف ديال التفاسير وبالرغم من التقدم العلمي لي كاين العلم مزال ماقدرش يحسم فيها وباش منطولش غندوي على التفسير الأقرب والمنطقي اكثر ولي كيقول بلي الدماغ منقسم لفص أيمن وفص أيسر خدامين بزوج بكفاءة عالية غير هو واحد الفص كيستقبل المعلومة اسرع بأجزاء من الثانية من الفص الاخر هادشي لي كيخلينا نحسوا بلي ديجا عشنا ديك اللحظة والحقيقة راه الدماغ خزنها فـ"الذاكرة القصيرة الأمد" بينما استوعبها الانسان بشكل كامل وهادشي طبعا كيوقع ف أجزاء من الثانية. من العيوب ديال هاد الفرضية مثلا علاش هادشي مكيوقعش لينا ديما وغير فشي مواقف فقط!! وعلاش كيوقع عند الصغار اكثر من الكبار!!!!
للتعمق أكثر : كليكي هنا
المزيد من "مقالات بالدارجة"
