رواية ليست كباقي الروايات رواية لي غادي تعلمك انك إلى بغيتي تحقق شي هدف ديالك فعلا راك غادي تحققو "إذا رغبت في شيء،فإن العالم كله يطاوعك لتحقيق رغباتك"...وبلي الطريق نحو تحقيق الحلم ربما يكون أفضل من الحلم بنفسه.....وبلي حتا من المشاكل لي كا تواجهك وكاتمنعك من الوصول إلى حلمك ربما هي دليل على قرب الوصول إلى هدفك لأنه "الساعة الأكثر ظلمة هي الساعة التي تسبق شروق الشمس "
PAULO COELHO
الخميائي هي الرواية الثانية ل باولو كويلو تنشرت لأول مرة ف 1988 ولي غادي تلقا شعبية ونجاح كبير من بعد ما غاتخليه من أشهر الكتاب العالميين...
الرواية كتهدر على راع اندلسي سميتو سانتياغو،غادي يمشي يقلب على الحلم ديالو المتمثل بكنز مدفون حدا أهرامات مصر،الرحلة غادي تبدا من إسبانيا،وفالطريق غادي توقع ليه بزااف ديال الأحداث لي غتمنعو من تحقيق الحلم إلا أنه بالإصرار والعزيمة والإشارات الإلهية لي كان كايتلقاها طوال الرحلة قدر يكمل الطريق ...سانتياغو غادي يوصل للمغرب وغادي يتلقى بشاب مغربي غيتيق فيه ثقة عمياء والنتيجة هي أن الشاب غيسرقو (هههههه المغاربة فشي شكل) الشيء لي غادي يخليه يخدم فمتجر ديال البلور فمدينة طنجة باش يرجع فلوسو.. من بعد سنة ديال العمل وتمارة ها هو رجع فلوسو وغادي ينطلق بحثا عن حلمه وغادي يمشي معا رجل إنجليزي في قافلة فيها مئات البشر نحو مصر وفي أثناء الرحلة غادي تنوض حرب بين القبائل الشيء لي غادي يخليهم يبقاو فواحد الواحة لمدة عام وتما غادي يتلقا سانتياغو بحبه الكبير فاطمة أفضل كنز حسب تعبيره...
