قبل
فترة شفت حلقة من مسلسل كوري مع شي اصدقاء (لست من معجبي الدراما الكورية ولا التركية هههه) البطلة
كانت مسكينة يائسة وحزينة، لذلك البطل شد فيديها بجوج وحطهم على كتفيها، وقال
ليها كلما تحسي براسك وحيدة ومكاينش اللي يواسيك ديري هاد الحركة، و هوووباا غتحسي
بالراحة (صراحة ماقالش هووبا غير انا تحمست شوية ههههه) وفعلا الحركة كانت نتيجتها
ايجابية على البطلة وخلاتها تحس بالارتياح...
انا اعتبرتها وحدة من دوك البهلوانيات الدرامية والحماقات ديال
الافلام... لكن فاش قلبت لقيت انها فعلا كاينة فالواقع وهي حيلة كيخدمو بها بعض
المعالجين النفسيين وكتسمى عناق الفراشة، بضغط من اصدقائي الاعزاء المتأثرين بكوريا والكيبوب ف مرغما اخاك لا بطل اضطريت نجربها على راسي، لقيت انها بصح كتعطي نوع من الدعم النفسي و احساس بالمواساة خصوصا فاش مكتلقا ماتعنق من غير المخاد والحيوط هههههههه وكإنسان واقعي معندوش مع بهلوانيات التنمية البشرية (وقائدها العظيم ابراهيم الفقي ههههههه) قررت باش غتكون تجربة لمرة واحدة فالحياة فقط وما غديش نعاودها مجددا احتراما لداك الانسان الواقعي داخلي والرافض لأي فعل عبيط وبهلواني هههههههه
