عندي زميل تونسي فالخدمة ومشينا نقادو لواحد الكليان شي
ماكينة خسرات وصدق من دوك لالمان اللي راسهم قاصح ومتعصبين وعنصريين وبقا كيتمزكك
علينا عاودنا ليه الخدمة شي خمس مرات... الزميل التونسي بدا يسب و يزبب وبدا
كيدندن :
آآآش خصني كان ربي عطاني
تفرهد زماني
نرتاح من جور ليام
ناري لهيبه وعيشه صعيبه
وهالوقت كل يوم تسمع غريبه
ولا خوة تنفع نهار المصيبه وقات العصيبه
يا ليعتي ما عادوقت طيبه
ولا صديق داني ولا ناس تفهم كلام المعاني
وصابر نعاني
دمعي على الخد سبح وغدر
وعقلي تودر
وقداش يا قلب بايت مكدر
وصابر تعاني
وكثر التناهيد زادن أحزاني
وآش خصني كان ربي عطاني
قلتليه واش تعصبتي وليتي تنظم الشعر، جاوبني بأن هادي قصيدة تونسية ومغنينها بزاف... و بما أنها عجباتني وعجبني تا اللحن باش كان كيدندنها الزميل ف مشيت نقلب عليها فيوتيب بعدما سالينا الخدمة لداك الشويرف لالماني وطبعا ماقصرناش معاه ومامشينا حتى خورنا ليه واحد الآلة اخرى ساوية فوق عشرلاف يورو باش يعاود يعيط لينا نصاوبوها ونحلبو منو تمن داك التبرزيط والتمزكيك اللي دار لينا اليوم، وخا خدمتنا درناها بإتقان من المرة الاولى... شخصيا كنخدم بالنية والمعقول لكن مع بحال هاد النماذج كنحضر سم المغاربة وتاحرمياتنا العريقة..
