بمجرد ما اعلن ترامب على نقل السفارة للقدس الدنيا تقلبت.. فالفيسبوك طبعا هههههه تهديدات فكل مكان ودعوات لمقاطعة الفيسبوك وجوجل والواتساب ههههه.. حتى من داك النقاش الغوغائي رجع حامض وبااسل لدرجة ولينا كنشوفو فلسطينيين كيعانيو مع الاسرائليين فالواقع وباقي العرب جالسين فديورهم كيتعايرو بالفيسبوك ويعبرو على غضبهم بتغيير صورة البروفايل.. وليزعم فيهم كيخرج لشي وقفة احتجاجية للتنديد باش يوهم الضمير ديالو بأنه راه قام بالواجب...ولي مضحك فالامر هو كمية النفاق لي كتقطر من الانظمة العربية تحت الطاولة كتعامل مع اسرائيل وعلنا كتندد وتحيح وتخرج فالخطابات بحال داك اردوغان لي قالك هدد ترامب بتحريض كل العرب عليه.. سير اودي اش غتحرض راه فقنا بيك
المشكلة ديال العالم انه تا واحد مكيآمن بالأخلاق إلا فاش تيكون ضعيف... او يظهرها ويبطن المكائد، السياسيين في الغرب كيقلبو على مصلتحهم وتيناديو بمبادئ لا يتعاملون بها... ترامب كيقول ان لليهود حق في فلسطين لأن أصولهم من هناك.. ولكن فاش هم احتلوا أرض أمريكا تاواحد مافكر فحقوق الهنود الحمر
وحتى في الشرق المسلمين كيطالبو بحقوق العرب والمسلمين في القدس وفلسطين لكن نساو ايضا انهم احتلوا وغزاو بلدان عديدة بالسيف فاش كانو اقوياء بحال لي وقع فشمال أفريقيا متلا.. يعني يدعون الأخلاق اليوم فقط حيت ضعفاء أما فاش تيكونو أقوياء لايهتمون بأي أحد..
 |
| وحتى أنا تابعت بقلق فرار نقل السفارة وعبرت عن رفضي وغضبي بالدعاء على ترامب بالله يغرق لبوه الشقف الله يعطيه ماعطا للغراب حكها مع التراب أوقال هدا ماكتاب ههههههه |
المهم كخلاصة راه هادي فرصة للمسترزقين من القضية باش يتحركو شوية ويروجو الحركة لي مؤخرا كانت ناعسة وماتحركوش من يامات.. احم نسكت أفضل ههههه....
