بديت
واحد السيري جديدة سميتها تشيرنوبل Chernobyl وااعرة ومؤثرة بزاااف ولي
كيزيد من تأثيرها أنها مبنية على أحداث حقيقة و اللي وقعت فالاتحاد السوفياتي ف
1986 فاش انفجر مفاعل تشيرنوبيل النووي (اكرانيا حاليا) و ماتوا فيه الآلاف ديال
الناس ونشر الرعب ف اوروبا والعالم كامل لدرجة ان مصر دارت بناقص من مفاعل نووي
كانت غتبنيه فداك الوقت
السيري واصلة للحلقة 3 ولحد الان الحاجة لي أثارت انتباهي و كتبان مركزين عليها هي الطريقة باش تعاملوا المسؤولين مع هاد الكارثة وهي التضليل والطاعة
العمياء للأوامر ورفض أي رأي معارض واخفاء المعلومات و الحقائق لدرجة أنهم مكانوش
ناويين يعلنوا على الانفجار حتا دازت يومين وفضحتهم سويد فاش وصلوها الاشعاعات... وكان ممكن شحال من شخص يتنقد لو غير كان اخلاء للقرية بكري ولكن التعنت ديال الدولة ورفضها الاعتراف بالكارثة كان هو المسيطر
مغديش نقول أن هدا هو الجوهر ديال الحكم الشيوعي ولكن هنا وفهاد الحادثة بالضبط بانو المساوئ ديال الشيوعيين والفشل ديالهم فالسيطرة على بحال هاد الكوارث .. غير ملاحظة بالنسبة للشخصية ديال الفيزيائية النووية "خوميوك" ماكيناش فالواقع يعني غير زادوها وعلى حسب ماقالو فالتقديم ديال السيري هي كتمتل المجتمع العلمي فالاتحاد السوفياتي لي كان كيتسائل على الحادثة .. السيري لحد الان واخدة 9.5 تقييم ف IMDB يعني فات GOT
مغديش نقول أن هدا هو الجوهر ديال الحكم الشيوعي ولكن هنا وفهاد الحادثة بالضبط بانو المساوئ ديال الشيوعيين والفشل ديالهم فالسيطرة على بحال هاد الكوارث .. غير ملاحظة بالنسبة للشخصية ديال الفيزيائية النووية "خوميوك" ماكيناش فالواقع يعني غير زادوها وعلى حسب ماقالو فالتقديم ديال السيري هي كتمتل المجتمع العلمي فالاتحاد السوفياتي لي كان كيتسائل على الحادثة .. السيري لحد الان واخدة 9.5 تقييم ف IMDB يعني فات GOT
شي
لقطات من السيري :
و
هادو صور جديدة ديال المدينة ولي كتبين بلي باقا مهجورة وخا دازت 33 عام على
الكارتة :
